Halyqaralyq otbasy kúni merekesinde Naýryzbaı aýdandyq Otbasylardy áleýmettik qoldaý ortalyǵy "Otbasy - baqyt mekeni" atty baıqaý ótkizdi. Saıys túrinde uıymdastyrylǵan is-sharaǵa kópbalaly jáne ónerli otbasylar qatysty.
Básekege ortalyqtyń syıly analary Amanjolova Eńlik pen úzdik tárbıeshi Omarova Nursulý qazylyq etti. Al ortalyqta qyzmet etetin Smaıylova Dınara, Tilekeeva Baný, Ábjapparova Jazıra jáne Baltahaeva Aısha syndy analar bolsa, óz otbasylarymen qatysyp, ózara baq synady.
Saıys "tanystyrý", "otbasylyq óner", "maqal-mátel" jáne «sporttyq saıys» pen "otbasy dámi" syndy bes bólimnen turdy. Dodada Tilekeeva Banýdyń otbasy oq boıy ozyq shyǵyp, bas júldeni ıelendi.
Dodaǵa qatysqan ózge otbasylar da qur alaqan qalǵan joq. Olar da "Ónerli otbasy", "Shyǵarmashyl otbasy" jáne "Sporttyq otbasy" nomınasıalary boıynsha marapattaldy. Saıysqa qatysqan barlyq otbasylarǵa arnaıy dıplomdar men baǵaly syılyqtar tabystaldy