Qazirgi kezde memlekettik qyzmetkershilerdińkásibı qyzmettegi tıimdiligine erekshe nazar aýdarylady. Olardyń tıimdiligin anyqtaıtynquraldyń biri etıket normalaryn saqtaý bolyp tabylady.
Qazaqstan Respýblıkasy Memlekettik qyzmetshileriniń Ádep kodeksine sáıkes memlekettik qyzmetshiler minez-qulqynyń jalpy standarttary aıqyndalǵan, atap aıtqanda, memlekettik qyzmetshiler:
1. Qazaqstan halqynyń birligi men eldegi ultaralyq kelisimdi nyǵaıtýǵa yqpal etý, memlekettik jáne basqa tilderge, Qazaqstan halqynyń salt-dástúrlerine qurmetpen qaraý;
2. adal, ádil, qarapaıym bolý, jalpy qabyldanǵan moraldyq-ádeptilik normalaryn saqtaý, azamattarmen jáne áriptesterimen qarym-qatynasta sypaıylyq pen ádeptilik tanytý;
3. ózderi qabyldaıtyn sheshimderdiń zańdylyǵy men ádildigin qamtamasyz etý;
4. jeke jáne zańdy tulǵalardyń quqyqtary men zańdy múddelerin qozǵaıtyn sheshimderdi qabyldaýdyń ashyqtyǵyn qamtamasyz etý;
5. memleket múddesine nuqsan keltiretin, memlekettik organdardyń jumys isteý tıimdiligine kedergi jasaıtyn nemese tıimdiligin tómendetetin is-áreketterge qarsy turý;
6. qyzmettik mindetterin tıimdi atqarý úshin óziniń kásibı deńgeıi men biliktiligin arttyrý, Qazaqstan Respýblıkasynyń zańdarynda belgilengen shekteýler men tyıymdardy saqtaý;
7. óziniń is-áreketimen jáne minez-qulqymen qoǵam tarapynan aıtylatyn synǵa sebepker bolmaý, synaǵany úshin qýdalaýǵa jol bermeý, oryndy syndy kemshilikterdi joıý men óziniń qyzmetin jaqsartý úshin paıdalaný;
8. jeke sıpattaǵy máselelerdi sheshý kezinde memlekettik organdardyń, uıymdardyń, memlekettik qyzmetshiler men ózge de adamdardyń qyzmetine yqpal etý úshin óziniń qyzmettik jaǵdaıyn paıdalanbaý;
9. shyndyqqa sáıkes kelmeıtin málimetterdi taratpaýǵa;
10. memlekettik menshiktiń saqtalýyn qamtamasyz etý, ózine senip tapsyrylǵan memlekettik menshikti, avtokólik quraldaryn qosa alǵanda, utymdy, tıimdi jáne tek qyzmettik maqsatta ǵana paıdalaný;
11. qyzmettik tártipti buljytpaı saqtaý, óziniń qyzmettik mindetterin adal, beıtarap jáne sapaly oryndaý, jumys ýaqytyn utymdy jáne tıimdi paıdalaný;
12. memlekettik qyzmetterdi tutynýshy retinde halyqtyń suranysyna tolyqtaı beıimdele otyryp, kórsetiletin memlekettik qyzmetterdiń sapasyn arttyrý boıynsha turaqty negizde sharalar qabyldaý;
13. jasaǵany úshin zańnamada tártiptik, ákimshilik nemese qylmystyq jaýaptylyq kózdelgen quqyq buzýshylyqtar men teris qylyqtardy jasaýǵa jol bermeýge;
14. iskerlik ádepti jáne resmı minez-qulyq qaǵıdalaryn saqtaý.
Kórsetilgen talaptardy kúndelikti jumysta talap-ustanym retinde qoldaný, óziniń laýazymdyq mindetterin oryndaý ár memlekettik qyzmetshilerdiń paryzy ekeni jáne halyq arasynda memlekettik apparattyń bedelin arttyratyny sózsiz aıqyn bolyp tabylady.