Prezıdent Qasym-Jomart Toqaev Parlament palatalarynyń birlesken otyrysynda «Otbasy bank» qyzmetin qaıta qaraýdy tapsyrdy, dep habarlaıdy Almaty-akshamy.kz.
«Otbasy banktiń» qyzmetin qaıta qaraý kerek. Basty nazardy oblys ortalyqtaryna emes, aýdandarǵa, monoqalalarǵa jáne aýyldarǵa aýdarǵan jón», - dedi Memleket basshysy.
Sonymen birge, Prezıdent memlekettik qoldaý sharalaryn óndiristiń tehnologıalyq kúrdeliligine jáne bıznestiń naqty túrine qaraı jikteý mańyzdy ekenin jetkizdi.
«Onyń operasıalyq tıimdiligi joǵary bolýy da óte mańyzdy. Sondyqtan «Báıterek» holdıńiniń qurylymyn ózgertip, ony keń aýqymda sıfrlandyrǵan jón. Báseke damymasa, bıznes te órkendemeıdi. Bul – aıdan anyq. Qazir negizgi salalardyń kóbinde birneshe iri kásiporyn basymdyqqa ıe bolyp otyr. Bul jaǵdaı naryqtaǵy shynaıy ahýaldy kórsete almaıdy», - dedi Prezıdent.