Parlament palatalarynyń birlesken otyrysynda Prezıdent Qasym-Jomart Toqaev ınovasıaǵa aqsha salatyn ınvestorlarǵa qoldaý kúsheıetinin atap ótti, dep habarlaıdy QazAqparat tilshisi.
«Meniń saılaýaldy baǵdarlamamda «Ǵylym jáne tehnologıalyq saıasat týraly» zańdy ázirleý týraly bastama kóterilgen. Ázirlenip jatqan zań jobasy ekonomıkanyń damý qısynyn ǵylym men ınovasıa negizinde aıqyndaýy qajet. Bıznes-ınkýbatorlar, komersıalandyrý ortalyqtary, tehnoparkter men konstrýktorlyq búrolar sıaqty ınovasıalyq ınfraqurylym qurý baǵytynda jeke bastamalardy qoldaýdyń sóz júzindegi emes, pármendi sharalary qajet. Tabysty sheteldik tájirıbelerdi paıdalaný kerek», - dedi Memleket basshysy.
Prezıdent ınovasıalyq jobalardy iske qosýdyń negizgi kózi venchýrlik qarjylandyrý bolýy tıis ekenin atady.
«Sondyqtan otandyq jáne sheteldik ınvestorlardyń jobalarǵa degen qyzyǵýshylyǵyn arttyrý úshin barlyq quqyqtyq jáne qarjylyq máselelerdi sheshý qajet», - dedi Qasym-Jomart Toqaev.