Onyń negizgi mindeti respýblıka boıynsha azamattardy turǵyn úımen qamtamasyz etý boıynsha turǵyn úı qatynastaryn damytý bolady.
"Otbasy bankin" ekinshi deńgeıdegi bankter júıesinen shyǵaryp, oǵan turǵyn úıdi esepke alý, qoıý jáne bólýdi ortalyqtandyratyn ulttyq damý ınstıtýty mártebesin berý josparlanyp otyr, dep habarlaıdy Almaty-akshamy.kz
Bul týraly Indýstrıa jáne ınfraqurylymdyq damý vıse-mınıstri Erkebulan Daýylbaev aıtty.
Bul rette Básekelestikti qorǵaý jáne damytý agenttigi men Ulttyq Bank keıbir máseleler boıynsha (mysaly, qarjylyq qyzmetterdi tutynýshylardyń quqyqtaryn qorǵaý máseleleri boıynsha baqylaý men qadaǵalaý) jumys júrgize beredi.
«Otbasy bank Qazaqstan Respýblıkasynyń zańnamasynda aıqyndalǵan, depozıtterdi qabyldaý, zańdy jáne jeke tulǵalardyń banktik shottaryn ashý jáne júrgizý, kasalyq operasıalar, banktik qaryz operasıalary, salymshylarǵa turǵyn úı, aralyq jáne aldyn ala turǵyn úı qaryzdaryn berý sıaqty banktik jáne basqa da operasıalardy agenttiktiń lısenzıasynsyz júzege asyratyn bolady», - dep jalǵastyrdy Daýylbaev.
Jańa mehanızmge sáıkes, ákimdikterde kezekte turǵandardyń bazasy "Otbasy bankine" beriledi jáne onda esepke qoıý toqtatylady.
«Otbasy bank bazasynda turǵyn úımen qamtamasyz etý ortalyǵy qurylady, oǵan turǵyn úıge muqtaj barlyq azamat engiziledi. Árbir ótinimge otbasynyń tabysyn, múlki men aktıvterin ashatyn sıfrlyq portreti qalyptastyrylady», - dep túsindirdi IIDM ókili.