Prezıdent atalǵan salany damytýdyń perspektıvti baǵyttaryn aıqyndap berdi.
Memleket basshysy «Qazaqstan Paramaýnt Injınırıń» zaýytyna bardy, dep habarlaıdy Almaty-akshamy.kz Aqordanyń resmı saıtyna silteme jasap.
Qasym-Jomart Toqaev elordada brondalǵan dóńgelekti tehnıka shyǵaratyn jáne jańartatyn «Qazaqstan Paramaýnt Injınırıń» zaýytyn aralap kórdi.
Prezıdentke otandyq brondalǵan dóńgelekti mashına shyǵarý jumystary kórsetildi jáne qazaqstandyq qorǵanys-ónerkásip kásiporny ónimderiniń kórmesi tanystyryldy.
Memleket basshysyna kompanıanyń jumysy men otandyq qorǵanys-ónerkásip kesheniniń jaǵdaıy jóninde málimet berildi.
Zaýytty aralap shyqqan Qasym-Jomart Toqaev atalǵan salany damytýdyń perspektıvti baǵyttaryn aıqyndap berdi. Sondaı-aq Memleket basshysy otandyq óndirýshilerdi qoldaý qajet ekenin atap ótip, shyǵaratyn ónimderdi tehnıkalyq turǵydan zaman talabyna saı jańartýǵa shaqyrdy.
