Indýstrıa jáne ınfraqurylymdyq damý mınıstrligi Ekologıa, geologıa jáne tabıǵı resýrstar mınıstrligimen birlese otyryp, "Jasyl Damý" AQ qarajaty esebinen azamattardyń jeńildetilgen nesıege jeńil avtokólik satyp alýy, sondaı-aq avtobýstar parkin jańartý baǵdarlamasyn ázirlep jatyr.
Jeńildetilgen nesıelendirý baǵdarlamasy boıynsha qarjylandyrýdyń jalpy somasy shamamen 100 mlrd teńgeni jáne Qazaqstan aımaqtarynda avtobýstardy jańartýǵa shamamen 30 mlrd teńgeni quraıdy, dep habarlaıdy Almaty-akshamy.kz Elorda.info-ǵa silteme jasap.
IIDM baspasóz qyzmetiniń habarlaýynsha, otandyq óndirilgen tehnıkany satyp alý sharttary, sondaı-aq qarjylandyrý tártibi memlekettik organdarda kelisý rásimderinen ótý satysynda. Sáýir aıynyń sońyna deıin barlyq rásimderdi aıaqtaý josparlanýda. Máselen, halyq úshin satyp alý sharttary 0%-dan bastap bastapqy jarna, nesıe merzimi 7 jylǵa deıin, satyp alýshy úshin 1 birlik avtokólik úshin nesıeniń maksımaldy somasy 10 000 000 teńgeden aspaıdy.