Qazaqstanda tabıǵı monopolıalar sýbektileriniń satyp alý qyzmeti erejelerine mańyzdy ózgerister engizildi. Bul jańashyldyq otandyq óndirýshini qoldaý men onyń taýar jetkizýge arnalǵan konkýrsqa qatysýyna qolaıly jaǵdaı jasaıdy.
Qazaqstan Respýblıkasy Premer-Mınıstriniń orynbasary — Ulttyq ekonomıka mınıstriniń 2024 jylǵy 19 sáýirdegi № 15 buıryǵyna sáıkes, 2019 jylǵy 13 tamyzdaǵy № 73 buıryqpen bekitilgen tabıǵı monopolıa sýbektileriniń qyzmetin júzege asyrý qaǵıdalaryna otandyq taýar óndirýshilerine arnalǵan shartty baǵa artyqshylyǵy týraly ereje engizildi. Endi ótinimdi qaraý kezinde konkýrstyq komısıa qazaqstandyq kompanıalardyń paıdasyna baǵa usynysyn 10 paıyz shartty túrde tómendetedi.
Bul otandyq bıznestiń básekege qabilettiligin arttyrýǵa, onyń memlekettik konkýrsqa qatysýyn yntalandyrýǵa, ásirese, ónimge uzaq merzimdi suranysty turaqty túrde týdyratyn turǵyn úı-kommýnaldyq sektordy aýqymdy jańǵyrtýdy kózdeıdi.
Qosymsha qoldaý sharasy 2024 jylǵy 24 jeltoqsandaǵy № 109 buıryqta bekitilgen.
Satyp alý qaǵıdasyn reformalaýdyń ekinshi kezeńi sheńberinde mynadaı ózgeris kózdelgen:
* satyp alýdyń eki kezeńdik rásimin engizý: birinshi kezeń-tek otandyq taýar óndirýshiler arasyndaǵy konkýrs;
* birinshi kezeńde jeńimpaz bolmaǵan jaǵdaıda, barlyq jetkizýshiler arasynda ashyq konkýrs ótkizý;
* jetkizýdi jedeldetý úshin satyp alý rásimi merzimin qysqartý.
Jańa tetikterdi engizý satyp alýdy ashyq ótkizýge múmkindik, qazaqstandyq kásiporyndarǵa naqty básekelestik artyqshylyq bermek. Bul ulttyq óndiristiń, ónerkásiptiń damýyna, jańa jumys ornynyń paıda bolýyna jaǵdaı jasaıdy.