Olar arnaıy semınarǵa qatysyp jatyr.
Qazaqstandyq polıseıler men prokýratýra qyzmetkerleri jáne ákimdik ókilderi «Etnosaıası saýattylyq jáne etnomedıasıa negizderi» atty semınar-trenıngke qatysyp jatyr, dep habarlaıdy Almaty-akshamy.kz.
Atalmysh semınar 16-17 qyrkúıek kúnderi Taraz qalasynda ótedi. Sharany Qoldanbaly etnosaıası zertteýler ınstıtýty uıymdastyrǵan.
Semınar-trenıngterge Almaty, Jambyl jáne Túrkistan oblystary jergilikti polısıa organdarynyń, prokýratýrasynyń jáne polıetnosty aýdandar ákimdikteriniń ókilderi qatysýda.
«İs-shara baǵdarlamasyna naqty keısterdi taldaý jáne sebep-saldar baılanystaryn kórsetý arqyly dárister toptamasy kiredi. Maqsaty - etnosaıası saýattylyqty arttyrý, etnosaralyq qatynastar salasynyń erekshelikterin jáne oqıǵanyń qate ınterpretasıasynyń saldaryn túsindirý», – delingen Aqparat jáne qoǵamdyq damý mınıstrliginiń baspasóz qyzmetiniń habarlamasynda.
Semınardyń taqyryptary: «Konflıktologıa jáne etnomedıasıanyń negizderi», «Aqparattyq jáne medıasaýattylyq. Aqparattyq keńistiktegi etnosaralyq qatynastar», «Qazaqstannyń etnostyq toptary arasyndaǵy ózara qarym-qatynastyń áleýmettik-psıhologıalyq erekshelikteri. Janjaldyń aqparattyq komponenti. Alaýyzdyq tili. Janjaldyń deklaratıvti kezeńindegi beınormatıvti etnonımderi», «Qoǵamdyq rıtorıka daǵdylary».
Qatysýshylarǵa alǵan bilimderi men daǵdylaryn bekitý úshin Qoldanbaly etnosaıası zertteýler ınstıtýtynyń sarapshylary semınardyń sońynda tájirıbelik sabaqtar ótkizedi.