Tıgran Papazán Warner Brothers, Sony, The Walt Disney Company, Universal Pictures syndy tanymal kompanıalarmen seriktes bolǵan.
Soltústik óńiriniń týmasy Tıgran Papazánnyń esimi kásibı ortada jaqsy tanymal. Ol «Poslednıı bogatyr: «Koren zla», «Sobıbor», «Karamora» serıalyna jáne basqa da aty shýly fılmderdiń treılerine áýen jazǵan, dep habarlaıdy Almaty-akshamy.kz Qazaqtv.com saıtyna silteme jasap.
Sonymen qatar jas kompozıtor túrli rolık pen gollıvýdtyq kınohıtter mýzykasynyń avtory ekenin aıta ketken jón. Tıgran mýzykamen 11 jasynan bastap aınalysa bastaǵan. Onyń aıtýynsha, bul salada belgili bir deńgeıge kóterilý úshin adam ózi eńbektenip, izdenýi kerek. Onyń qazirgi jastarǵa aıtary da osy.
«Alǵashynda amerıkalyq fılmderge mýzykany lısenzıalaýmen aınalysatyn sheteldik leıblderge habarlastym. Olar treıler mýzykasynyń katalogtaryn jınap, keıin óz tutynýshylaryna usynady. Men katalogqa óz áýenderimdi qaldyramyn, al olar treılerde qoldanady. Osylaı sol ortada tanymal bola bastadym. Keıin reseılik fılmderge treıler jazatyndar habarlasty», - deıdi koıpozıtor Tıgran Papazán.
Kompozıtor treılerlik mýzyka kez kelgen janrda damýǵa, baǵa jetpes tájirıbe jınaýǵa múmkindik beretinine senimdi. Qazirgi tańda onyń 25-ten astam jazǵan áýeni 50-den astam túrli fılmniń treılerinde qoldanyldy.