Jarys 27 aqpanda márege jetedi.
Qazaqstandyq Jibek Qulambaeva juptyq synda elordada ótip jatqan ITF «Forte 60 Women’s» týrnıriniń shırek fınalyna shyqty, dep habarlaıdy Almaty-akshamy.kz Olympic.kz silteme jasap.
Jibek Polsha ókili Martına Kýbkamen birge bastapqy kezdesýin qazaqstandyq Sofá Chýrsına - gonkongtyq Ng Kvan Iýmen ótkizdi. Tartysty órbigen birinshi partıany Qulambaeva men Kýbka 7:5 esebimen aıaqtady. Olar ekinshi sette de oıyn tizginin ýysynan shyǵarǵan joq - 6:2. Qazaqstandyq-polshalyq jup jartylaı fınalǵa shyǵý úshin ózbekstandyqtar Nıgına Abýraımova - Aqgúl Amanmuradovamen talasady. Júlde qory 60 myń AQSH dollaryna baǵalanǵan jarys 27 aqpanda márege jetedi.