Soltústik Tán-SHan muzdyqtary ǵylymı turǵydan zertteýdi qajet etedi.
«Qazseldenqorǵaý» mekemesi men Geografıa jáne sý qaýipsizdigi ınstıtýty yntymaqtastyq týraly memorandýmǵa qol qoıdy, dep habarlaıdy Almaty-akshamy.kz.
24.kz habarlaýynsha, glásıolog ǵalymdardyń alańdaýyna negiz bar. Shilde aıynyń sońyna qaraı jaýǵan jańbyrdyń saldarynan Almaty mańyndaǵy birneshe sý baseınderinde sel shyǵaryndylary jınalyp qalǵan. Sonymen qatar bıylǵy jazdaǵy aptap ystyqtan muzdyqtar erı bastady. Osydan keıin ózenderdegi sý deńgeıi arta túsken. Mamandar İle Alataýy jahandyq klımattyq ózgeriske ushyrap otyr deıdi. Máselen, sońǵy 15 jylda teńiz deńgeıinen 3000 metr bıiktiktegi temperatýra 3 gradýsqa kóterilgen.
«Ǵylymı ınstıtýtpen memorandýmǵa qol qoıdyq. Eń basty maqsat – búgingi tańda barlyq aqparatpen almasý. Barlyq aerovızýaldyq birlesip júrgizý jáne búgingi tańda qaýipti ýchaskeler boıynsha osy birlesip, bizdiń jumystardy aıqyndaý. Tórtinshiden, bizdiń maqsat – bizdiń mamandardy oqytý. Besinshi – sıfrlandyrýǵa baılanysty jumystardy keńeıtý. Sebebi sýdyń temperatýrasyn, basqa da kórsetkishterdi tez arada alý kerekpiz», - deıdi QR TJM «Qazseldenqorǵaý» MM basshysy Qaırat Bekenov.