Elimizdiń kınotýyndysy sheteldi tánti etýde
«Qazaqfılm» kınostýdıasynyń málimetinshe, Elá Gılmannnyń rejıserlyǵymen «Kúnbaǵys» fılmi 16 birdeı halyqaralyq festıválge qatysyp, 25-ten astam júldege ıe boldy, dep habarlaıdy Almaty-akshamy.kz.
Otandyq kınotýyndy jaqynda ǵana Fransıada ótken Red Movie Awards festıvalinde «Úzdik drama» júldesin, halyqaralyq Tokyo International Monthly Film Festival festıvalinde «Úzdik rejıser» jáne Cannes Film Awards kınofestıvalinde «Azıanyń úzdik akteri» (akter Erkebulan Daıyrov) júldelerin, sonymen qatar Paris Film Festival festıvalinde arnaıy júldeni qanjyǵasyna baılady.
«Osyndaı halyqaralyq deńgeıdegi jetistikterimizben fılmniń túsirilim tobyn, akterlerimizdi jáne «Qazaqfılm» kınostýdıasyn quttyqtaımyn. Bul - bizdiń ortaq jeńisimiz. Búgingi tańda «Kúnbaǵys» fılmi Los-Andjeles pen Baıa Kalıfornıa shtatynda ótetin taǵy da eki festıváldiń baıqaýyna ilikti. Sondaı-aq Qytaı, Taıland, Fılıppın, Fınlándıa, Armenıa jáne Kanadada ótetin festıválderden jańalyq kútip otyrmyz. Búkil álem kórermenderiniń yqylas-iltıpatyna bólenip, dúnıejúziniń kıno óneri sheberleriniń joǵary baǵasyn alǵan osy bir kınotýyndyny túsirgenimizge qýanyshtymyn»,- dedi rejıser Elá Gılman.