Maqsat – jas urpaqtyń boıyna patrıotızm men meıirimdilik sezimin qalyptastyrý.
Almaty memlekettik qýyrshaq teatrynyń akterleri kóp balaly jáne az qamtylǵan otbasylardyń balalaryna arnap óner kórsetti, dep habarlaıdy Almaty-akhamy.kz.
Spektákldi kórsetýdegi negizgi maqsat – jas urpaqtyń boıyna patrıotızm men meıirimdilik sezimin qalyptastyrý.
«Er Tóstik» spektakli qazaqtyń halyq ertegisi negizinde qoıylǵan. Ony qazaq tiliniń poetıkasy men qundylyǵyna zor mán bergen Qazaqstannyń eńbek sińirgen qaıratkeri Qasymhan Begmanov jazdy.
«Er Tóstik» – qýyrshaq teatry repertýaryndaǵy jańa qoıylymdardyń biri. Spektáklde aǵalaryn zulym aıdahardan qutqarý úshin alys saparǵa shyqqan jas sarbazdyń oqıǵasy baıandalady. Bul jaǵdaıda basty keıipker jaqsylyqqa, ádilettilikke senedi jáne óz maqsattarynan bas tartpaıdy.
Aıta ketsek, Almaty memlekettik qýyrshaq teatryna kirý Ashyq júıesi arqyly júzege asyrylady. Ol úshin sırk qyzmetkerine mártebesin rastaıtyn Ashyq qosymshasy ornatylǵan bıletti jáne mobıldi qurylǵyny usyný qajet. Mobıldi qurylǵy bolmaǵan jaǵdaıda, teatr qyzmetkerine JSN nómirin aıtý qajet.
