Ótken aıda elimizde 10 753 jańa avto satylǵan.
Qazaqstan avtobıznes qaýymdastyǵynyń málimetinshe, bul kórsetkish 2021 jyldyń naýryz aıyndaǵy deńgeıden aıtarlyqtaı joǵary, dep habarlaıdy Almaty-akshamy.kz
Byltyr osy kezeńde 8 000 myńnan asa kólik satyldy. Bul rette, eger 2019 jyldyń basyndaǵy statısıkany alatyn bolsaq, onda tranzaksıalar kólemi tek bir ret – 2021 jyldyń maýsymynda (12025) joǵary bolǵan.
Degenmen naýryzdaǵy jaqsy nátıjelerge qaramastan, ázirge satylym kólemi ótken jyldan tómen. Qazaqstan avtobıznes qaýymdastyǵynyń málimetinshe, I toqsanda 22 419 avto satyldy. 2021 jyldyń qańtar-naýryz aılarynda bul kórsetkish 24 196 birlik bolatyn.
Bul qańtar aıyndaǵy naryqtyń turalaýyna (4 myń birlikten az) baılanysty bolsa kerek. Biraq qaýymdastyq aldaǵy ýaqytta satylym ósedi dep esepteıdi. Oǵan negizgi alǵysharttar otandyq óndiristi ulǵaıtý, naryqqa jańa brendterdiń kelýi, ımporttaýshylar usynatyn qarjylandyrý baǵdarlamalary, sondaı-aq jeńildetilgen nesıelendirý baǵdarlamasy bolyp tabylady.
Eske sala ketsek, aldaǵy ýaqytta elimizde jeńildetilgen avtonesıe baǵdarlamasy iske qosylmaq. Ol qazaqstandyqtarǵa 7 jylǵa, jyldyq 4%-ben otandyq kólik satyp alýǵa múmkindik beredi.