Bishkekte «Kelinjan» fılminiń jabyq kórsetilimi ótti.
Osylaısha otandyq agenttiktiń tapsyrysymen túsirilgen fılm alǵash ret sheteldik kınoprokatqa shyǵyp otyr, dep habarlaıdy Almaty-akshamy.kz QazAqparatqa silteme jasap.
«Habardyń» fılmi alǵash ret sheteldik kınoprokatqa shyqty. Baýyrlas eldiń kórermenderi úshin qyrǵyz tiline aýdarylǵan fılmniń jabyq kórsetilimine Qyrǵyz kınematografıa departamentiniń, jergilikti BAQ-tyń ókilderi men blogerler, sondaı-aq Qazaqstannyń Qyrǵyzstandaǵy Elshiligi qyzmetkerleri men «Habar» Agenttiginiń ókilderi qatysty.
«Bul – agenttiktiń óz ónimin alǵash ret basqa tilde dýbláj jasap, shetelge shyǵarýy. «Kelinjan» serıalyn YouTube platformasynda kóp kórgen, jaqsy pikiriler jazyp, qyzyǵýshylyq tanytqan qyrǵyz aýdıtorıasy bolǵandyqtan, tolyqmetrajdy fılmdi qyrǵyzdardyń ana tiline aýdaryp, sol elde kórsetý týraly sheshim qabyldanǵan bolatyn. Seriktes kompanıanyń málimetine súıesek, «Kelinjannyń» kórsetiletini týraly aqparatty halyq óte jaqsy qabyldaǵan», - dedi «Habar» Agenttigi AQ Basqarma Tóraǵasynyń orynbasary Danıar Meńilbekov.