Bul tapsyryspen dári-dármek daıyndaıtyn dárihanalarǵa áser etedi deıdi mamandar.
Qazir elde olardyń sany 126. Bul máseleniń týyndaýyna shetelden alynatyn farmasevtıkalyq sýbstansıalardy tirkeý jáne sertıfıkattaýdy engizý týraly jańa jobanyń usynylýy sebep bolyp otyr, dep habarlaıdy Almaty-akshamy.kz Qazaqstan.tv-ǵa silteme jasap.
Endigi jerde ol quqyqtyq-normatıvtik qujat aıasynda talap etilmek. Qazir farmasevtıkalyq sýbstansıalardyń 99 paıyzy shetelden keledi. Eýropadan, Reseıden, Qytaıdan alynatyn dári-dármek shıkizattary onsyz da halyqaralyq talapqa saı sertıfıkattalǵan. Endi ony elimizde qaıta tirkep, sertıfıkattaý uzaq ýaqytty alady jáne óte qymbat. Ásirese, bul az kólemde shyǵarylatyn, sırek kezdesetin perparattardy daıyndaýda farmasevterge tıimsiz eken.
«Jańa joba qabyldansa, bizdiń dárihanalarymyz jabylady. Sebebi bir preparatty jasaý úshin qajetti sýbstansıalardy túgel tirketip, sertıfıkattaý qajet. Onyń quny óte qymbat jáne ýaqyt alady. Saldarynan tapsyrysty az qabyldap, shetelden alynatyn sýbstansıany da azaıtamyz. Bul jaı ǵana emes, dáriniń bes ese qymbattaýyna ákelip soǵady», - deıdi farmasevtıkalyq kompanıanyń dırektory Olga Seıs.
«Farmasevterdiń bul aıtqan ýáji asyǵystyq. Sebebi biz sýbstansıalardy tirkeý jáne sertıfıkattaýdyń jańa jobasyn bıznes ókilderine jáne memlekettik organ retinde talabymyzǵa qaraı yńǵaılap baryp qabyldaımyz», - deıdi QR Densaýlyq saqtaý mınıstrligi basqarma basshysy Erık Qulshanov.