Qazaqstanda 12 bloger 1,4 mlrd teńge kóleminde qosymsha tabystaryn deklarasıalady, dep habarlaıdy aqshamnews.kz.
Memlekettik kirister komıtetiniń málimetinshe, kiristerdi tómendetý boıynsha kameraldyq baqylaý týraly habarlamalardan soń, 12 bloger óz erkimen 1,4 mlrd teńge kóleminde qosymsha tabystaryn deklarasıalap, 73,6 mln teńge salyq tóledi.
Búgingi tańda barlyǵy 854 blogerge «kiristi tómendetý» boıynsha zań buzýshylyqtar úshin 71,9 mlrd teńge somasynda kameraldyq baqylaý týraly habarlamalar jiberilgen. Oryndaý merzimi – 30 jumys kúni. Sonymen qatar 71,9 mlrd teńge kólemindegi aıyrmashylyqtar tólenbegen salyqtardyń somasy emes ekenin atap ótken jón. Kórsetilgen aıyrmashylyq somalary blogerlerdiń salyq deklarasıalarynda kórsetilmegen boljamdy tabystaryn bildiredi, - delingen komıtet málimetinde.
Vedomstvo salyqtardyń eseptelýi men tólenýi salyq zańnamasynda belgilengen tıisti stavkalar boıynsha usynylǵan deklarasıalarǵa sáıkes júzege asyrylatyn eske saldy.