Qazaqstan bıatlonshylar odaǵynyń baspasóz qyzmetinen málim etkendeı, Chehıanyń Nove-Mesto qalasynda ótip jatqan álem birinshiliginde bıatlonnan erler quramasy estafeta saıysynda úzdik ondyqqa endi, dep habarlaıdy Almaty-akshamy.kz.
Bul jarysta el namysyn Aleksandr Mýhın, Vladıslav Kıreev, Áset Dúısenov jáne Nıkıta Akımov qorǵady, dep habarlaıdy Almaty-akshamy.kz
Jarys alańyna alǵash bolyp Aleksandr Mýhın shyqty.
Ol barlyq nysanaǵa dál tıgizip, jeńimpazdan +0.9 sekýnd aıyrmashylyqpen estafetany úzdik úshtiktiń qatarynda Vladıslav Kıreevke tapsyrdy.
Vladıslav Kıreev alǵashqy jatyp atý kezeńinde 3 qosymsha oqtyń kómegimen, al turyp atý kezinde birden barlyq mejege dóp tıgizdi.
Ol estafetany Áset Dúısenovke úzdik tórttiktiń qatarynda tapsyrdy.
Jarys alańyna shyqqan Áset Dúısenov birinshi aınalymda 2 oǵy qıys ketip, qosymsha oqtyń kómegimen barlyq nysanany japsa, ekinshi aınalymda mergendik tanytyp, taza atty.
Dúsenovten keıin básekeni alǵash ret eresekter arasyndaǵy álem chempıonatyna qatysýshy Nıkıta Akımov jalǵastyrdy.
Ol birinshi aınalymda 3 qosymsha, ekinshi aınalymda 2 qosymsha oq paıdalanyp, komandany úzdik ondyqtan túsirmedi.
Osylaısha jyldyń basty starty óz máresine jetti.