Negizi buryn da solaı bolǵan. Sirá, bul bizdiń genimizge baılanysty.
Mundaı pikirdi taǵamtanýshy-ǵalym T.Sharmanovtyń aýzynan talaı estigenbiz. Bul týraly Ulttyq statısıka búrosynyń úshinshi toqsandaǵy qorytyndysynda aıtylǵan, dep habarlaıdy almaty-akshamy.kz
Turǵyndar et jáne et ónimderine tabysynyń – 17%-yn, nan jáne jarma ónimderine – 7,8%, sút ónimderine – 5,4%-yn jumsaıdy.
Statısıkterdiń pikirinshe, Jetisý, Atyraý, Aqmola oblystarynyń turǵyndary et pen et ónimderin eń kóp tutynatyn aımaqqa jatady. Eń az et jeıtinder shymkenttikter. Esesine olar «nan soǵar» eken. Statbúro óńirler boıynsha nan jáne jarma ónimderin Túrkistan oblysynyń turǵyndary kóp tutynǵanyn jazady. Jan basyna shaqqanda olar 44,1 keli (toqsanyna) tutynsa, al Astana turǵyndary bul ónimderdi az alady, jan basyna shaqqanda 23,6 keliden keledi. Buǵan klımattyń da áseri bar ekeni anyq. Óıtkeni, ońtústik óńirde kún jyly bolǵandyqtan, bul jaqtyń halqy kókónisti kóbirek tutynady. Al sýyq óńir turǵyndary -30-40 gradýsta et jemese, «ómiri qıyndaıdy». Sonymen, ótken jyldyń sáıkes kezeńimen salystyrǵanda, 2023 jyldyń úshinshi toqsanynda qazaqstandyqtar et pen et ónimderin – 0,7 kelige, sút pen sút ónimderin – 1,2 kelige kóp tutyna bastaǵan.