Assambleıa músheleriniń qazaq tilinde baıandama jasaǵany kóńilime medeý boldy
Qoǵam qaıratkeri Asyly Osman búgingi Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHİ sesıasynda kóterilgen máseleleri týraly aıtyp berdi, dep habarlaıdy Almaty-akshamy.kz Baq.kz agenttigine silteme jasap.
Onyń aıtýynsha, osy jolǵy sesıa qoǵamnyń talabyna saı ótken. Sesıada memleket basshysynyń qazirgi reformalaryn halyqqa keńinen túsindirip, ony júzege asyrýǵa atsasylý máselesi qozǵalǵan. Odan bólek Assambleıa músheleriniń qazaq tilinde baıandama jasaǵany kóńilime medeý boldy, deıdi qoǵam qaıratkeri.
"Jıyn barysynda Prezıdent qolǵa alynǵan reformalar men Jańa Qazaqstandy qalaı túrlendiretinimiz jaıly baıandady. Degenmen, aıtylý bar da ony júzege asyrý bar. Bul reformanyń barlyǵy 1-2 kúnde bolatyn nárse emes, biraq qazaqta «alys sapar – qadamnan bastalady» degen sóz bar. Ózgeristi bárimiz búginnen bastaýymyz kerek jáne bul bir-eki adamnyń qolynan kelmeıdi, qoǵam bolyp jumylýymyz kerek", - dedi Asyly Osman.
Sonymen qatar ol jıynda Konstıtýsıaǵa engiziletin ózgerister men memlekettik til týraly aıtylǵanyn jetkizdi.
"Atqarylyp jatqan istiń barlyǵyna kóńilim tolady, alaıda memlekettik tildi birinshi orynǵa qoıamyz dep aıtqanymen, onyń oryndalmaı jatqany kóńilimdi kónshitedi. Assambleıanyń qurylǵanyna 27 jyl boldy, olar qazaqtyń tóńiregine toptasyp, elimizdegi kemshilikterdi, onyń ishinde tilge qatysty máseleni aıtýy kerek edi. Biraq ondaı bolmady, ıaǵnı qazaq tiliniń óz tuǵyryna qonbaǵany meni ashyndyrady", - dedi ol.