Ótken jyldyń sáýir aıynyń basynda ısi musylman qarasy, ıaǵnı, kúlli álemdegi musylmandar sany eki mıllıard adamnan asqan, dep habarlaıdy aqshamnews.kz.
Mundaı málimet Global Muslim Population veb-saıtynda keltirilgen. Bul jaıynda islam.kz portaly óz kezeginde Morocco World News agenttigine jón siltegen IslamNews aqparat kózine silteme jasaı otyryp málim etedi.
Osylaısha musylmandar sany 8 mlrd-tan kóp adamzattyń 25%-nan asqan. Musylmandar búginde hrıstıandardan keıin ekinshi orynda tur. Sany jaǵynan.
Pew Research Center ortalyǵynyń 2017 jylǵy boljamyna sensek, osy ǵasyrdyń ekinshi jartysynda musylmandar sany hrıstıandardy basyp ozady. 2035 jyldyń ózinde basqa nanym-senim ókilderine qaraǵanda dúnıege keletin balalar arasynda musylmandar birinshi orynǵa shyǵady.
Musylmandardyń deni basqa qurlyqtarmen salystyrǵanda Azıa aımaǵynda eń kóp shoǵyrlanǵan – álemdegi musylmandardyń 60%-dan astamy turady. Al musylmandar sany eń kóp ósip kele jatqan, musylman emester turatyn óńirge Eýropa jatqyzylǵan. Buǵan mıgrasıalyq prosester sebep bolyp otyr. Bul baǵyttaǵy zertteý nátıjesine sáıkes musylmandar sany ózge nanym-senim ókilderine qaraǵanda 70% shapshań ósip kele jatyr. Buǵan musylman elderindegi týý kórsetkishiniń joǵary bolýy yqpal etýde.