Jazdyń sońǵy aıynyń sońy kúzge ulasady.
Tamyz aıynda eldiń basym bóliginde qatty ystyq bolmaıdy, dep habarlaıdy Almaty-akshamy.kz
«Qazgıdromet» memlekettik qyzmeti bıyl tamyz aıyna arnalǵan aýa raıy boljamyn daıyndady.
Tamyz eldiń soltústik óńirlerinde salqyn aýa raıymen bastalady. Aıdyń basynda respýblıkanyń basym bóligindegi aýa raıy qubylmaly bolady. Jańbyr jaýady, eldiń shyǵysynda naızaǵaı, burshaq bolady. Jeldiń ekpini 15-25 m/s-ke deıin kúsheıedi, soltústik aımaqtarda túnde jáne tańerteń tuman túsýi múmkin.
Aıdyń basynda soltústik sýyq antısıklonnyń áserine baılanysty eldiń soltústik jartysynda kún salqyndaıdy. Túnde + 7 +15°S deıin, kúndiz +17 +22°S shamasynda.
Alaıda birinshi onkúndiktiń sońynda sýyq antısıklon yǵysyp, knún jylynady. Aýa temperatýrasy túnde +18+23°S, kúndiz +25+33°S-qa deıin kóteriledi. Ońtústik jáne ońtústik-shyǵys óńirlerde birinshi onkúndik ishinde temperatýra birtindep joǵarylaıdy. Túnde +15+20°S-tan +20+25°S-qa deıin, kúndiz +25+32°S-tan +33+40°S-qa deıin kóteriledi.
Aıdyń ortasynda respýblıkanyń soltústik jartysyna qaıtadan sýyq aýa massalary túsedi. Onyń áserinen aýa raıy qubylmaly bolady. Degenmen sýyq uzaqqa sozylmaıdy. Aýa temperatýrasy túnde +10+18°S-tan +18+25°S-qa deıin, kúndiz +17+22°S-tan +25+30°s-qa deıingi shamada. Al ońtústik óńirlerde negizinen +28+38°S.
Jazdyń sońǵy aıynyń sońy kúzge ulasady. Arktıkalyq teńiz aýdandarynan sýyq aýa massalary áserinen eldiń basym bóligindeaýa temperatýrasy tómendeıdi. Eldiń soltústik jartysynda túnde aýa temperatýrasy +2+12°S-qa deıin, kúndiz +15+20°S-qa deıin, ońtústik jartysynda túnde +10+15°S-qa deıin, kúndiz +20+27°S-qa deıin tómendeıdi.