Óńirler boıynsha tutynýshylardyń 489 mln. teńgeden astam qarajaty artyq eseptelgen.
2021-2022 jyldardaǵy jylytý kezeńinde jylýmen jabdyqtaý boıynsha qyzmet kórsetetin tabıǵı monopolıa sýbektisi jylý energıasynyń tólemine QQS-ty eskere otyryp, jalpy somasy 489 950 250 teńgege qaıta esepteý júrgizdi, dep habarlaıdy Almaty-akshamy.kz
QR UEM Tabıǵı monopolıalardy retteý komıteti jáne onyń aýmaqtyq bólimsheleri Qazaqstannyń barlyq óńirleri boıynsha jylý energıasyn esepke alý aspaptary joq tutynýshylar úshin jylýmen jabdyqtaý qyzmetteriniń qunyn qaıta esepteý boıynsha jumystar júrgizdi.
Zańnamanyń normalaryna sáıkes júrgizilgen jumystar nátıjesinde, jylý maýsymynda (2022-2023 jyldary) nemese kúntizbelik jyl úshin (2022 jyldyń sońyna deıin) qarajatty esepteýdi qaıtarý halyqtyń jeke shotynda kórsetiledi jáne avans (saldo) túrindegi jeke jolda jazylady.
Tabıǵı monopolıa sýbektisi, syrttaǵy aýanyń naqty temperatýrasyn eskere otyryp, jylý energıasymen jabdyqtaý boıynsha rettelip kórsetiletin qyzmettiń qunyn tutynýshylarǵa tikeleı ne tutynýshynyń turǵan jerin anyqtaý múmkin bolmaǵan jaǵdaıda jylý energıasymen jabdyqtaý boıynsha rettelip kórsetiletin qyzmetke aqy tóleý kezinde tarıfti tómendetý arqyly qaıta esepteýdi júrgizýge mindetti.
Osylaısha, ótken 2021-2022 jyldardaǵy jylytý kezeńinde jylýmen jabdyqtaý boıynsha qyzmet kórsetetin tabıǵı monopolıa sýbektisi jylý energıasynyń tólemine QQS-ty eskere otyryp jalpy somasy 489 950 250 teńgege qaıta esepteý júrgizdi:
- Almaty qalasy boıynsha – 40 935 520 teńge;
- Nur-Sultan qalasy boıynsha – 1 755 990 teńge;
- Shymkent qalasy boıynsha – 27 698 240 teńge;
- Almaty oblysy boıynsha – 9 284 560 teńge;
- Aqmola oblysy boıynsha – 20 338 930 teńge;
- Atyraý oblysy boıynsha – 8 275 780 teńge;
- Aqtóbe oblysy boıynsha – 20 185 000 teńge;
- Shyǵys Qazaqstan oblysy boıynsha – 186 251 070 teńge;
- Jambyl oblysy boıynsha – 16 585 480 teńge;
- Batys Qazaqstan oblysy boıynsha – 786 580 teńge;
- Qaraǵandy oblysy boıynsha – 81 306 480 teńge;
- Qostanaı oblysy boıynsha – 4 449 030 teńge;
- Qyzylorda oblysy boıynsha – 38 824 760 teńge;
- Pavlodar oblysy boıynsha – 3 138 510 teńge;
- Soltústik Qazaqstan oblysy boıynsha – 26 648 420 teńge;
- Túrkistan oblysy boıynsha – 3 485 900 teńge.
Aıta ketsek, Mańǵystaý oblysynyń tutynýshylary úshin qaıta esepteý bolmaıdy, sebebi jylý energıasymen jabdyqtaý boıynsha rettelip kórsetiletin qyzmettiń quny syrtqy aýanyń naqty temperatýrasyn esepke alýǵa sáıkes júrgizilgen.