Poıyz jolaýshylarynyń biri atalǵan qaıǵyly jaǵdaı týraly jelide baıandap berdi. Aıtýynsha, poıyzdyń ishi ystyq bolǵan, er adam áıelin ertip, tambýrǵa shyǵyp ketken. Sol jerde nemeresiniń kózinshe qaıtys boldy, dep habarlaıdy aqshamnews.kz.
«Ata áıelimen birge tambýrǵa shyǵyp, aýa jetpeı qulap, qaıtys boldy. Munyń bári 13 jasar nemeresiniń kózinshe bolǵan. Kondýktorlarda alǵashqy medısınalyq kómek kórsetý qobdıshasy bolmaǵan. Saryózek stansasyna jetken jedel járdem máıitti kórpege orap alyp ketti. Zembil bolǵan joq», dep bólisti jolaýshy.
Kóliktegi polısıa departamenti er adamnyń ólimine qatysty tergeý amaldaryn bastady.
«Qonaev stansasyndaǵy jelilik polısıa bólimi «Óskemen-Almaty» baǵytyndaǵy jolaýshylar poıyzynda bolǵan oqıǵaǵa qatysty sotqa deıingi tergeý amaldaryn bastady», dep jaýap berdi departamenttiń baspasóz qyzmeti.