Almatyda Jastar saıasaty basqarmasynyń qoldaýymen Halyqaralyq jastar kúnine oraı qalamyzda jáne komúnıtı ortalyqtardyń bazasynda 60-tan astam arnaıy sharalar ótkizý josparlanǵan.
Almaty – jastar qalasy, munda 14 pen 35 jas aralyǵyndaǵy 695,6 myń jas turady.
Osy rette, aǵymdaǵy jyldyń 3 tamyzy men 12 tamyz aralyǵynda 10 baǵyt boıynsha («Taza Qazaqstan», «Jas kelse. Iske!», «Densaulyk – zor bailyk», «Gylym tappai maqtanba», «Meyirimdilik mekeni», «Adal Azamat», «Enbek barin de jenbek», «Ystyq qairat. Nurly aqyl. Jyly jurek», «Qorgan-24», «Jasratmen birge») jastardyń shyǵarmashylyq áleýetin asyrýǵa jáne salaýatty ómir saltyn qalyptastyrý maqsatynda is-sharalar uıymdastyrylady.
«1999 jyldan bastap búkil álemde 12 tamyzda Halyqaralyq Jastar kúni atap ótiledi. Bul jastarǵa, olardyń jetistikteri men áleýetine arnalǵan erekshe kún. Biz qarqyndy ózgerister men jahandyq syn-qaterler dáýirinde ómir súrip jatyrmyz. Jastar batyldyq pen shyǵarmashylyqtyń úlgisin kórsete otyryp, osy prosesterdiń aldyńǵy qatarynda. Bizdiń mindetimiz – sapaly bilim alýǵa, densaýlyq saqtaýǵa jáne jumysqa ornalasý múmkindikterine qol jetkizýdi qamtamasyz ete otyryp, olardyń damýy úshin qolaıly jaǵdaılar jasaý», - dedi Almaty qalasy jastar saıasaty basqarmasynyń basshysy mindetin atqarýshy Azız Kajdenbek.
12 tamyz - Halyqaralyq Jastar kúni kúni qala kásipkerlerimen birlesip, 14-35 jas aralyǵyndaǵy jastarǵa arnalǵan «Jas Almaty» aýqymdy aksıasyn ótkizý josparlanǵan. İs-shara aıasynda qoǵamdyq tamaqtaný men paıdaly demalys salasynda jeńildikter jasalady.
İs-sharalar týraly qosymsha aqparatty jas.almaty jáne komúnıtı-ortalyqtardyń ınstagram paraqshalarynan kóre alasyzdar.