Bul týraly Ortalyq saılaý komısıasynyń tóraǵasy Nurlan Ábdirov málimdedi.
Ortalyq saılaý komısıasy Konstıtýsıaǵa ózgerister engizý boıynsha referendým ótkizýge daıyn, búkilhalyqtyq daýys berýdi uıymdastyrýdyń barlyq qajetti rásimi aıaqtaldy, dep habarlaıdy Almaty-akshamy.kz
Onyń aıtýynsha, Ortalyq saılaý komısıasy jáne basqa da ýákiletti organdar halyqty referendým týraly habardar etý úshin «qajettiniń bárin jasady». Azamattardyń saılaýshylar tiziminde ózin tabýǵa jáne qaı ýchaskede daýys bere alatynyn bilýine múmkindik jasalǵan.
Referendýmǵa shyǵarylatyn Konstıtýsıaǵa túzetýler Qasym-Jomart Toqaev usynǵan saıası reformalar josparyn oryndaý úshin ázirlendi. Ábdirov túzetýler «sýperprezıdenttik» basqarý formasynan kúshti parlamenti men esep beretin úkimeti bar prezıdenttik respýblıkaǵa kóshýdi bekitýge arnalǵanyn atap ótti.
Mundaı talaptar komısıanyń, esep komıtetiniń tóraǵalary men múshelerine, óńirlerdiń basshylary men olardyń orynbasarlaryna qoldanylady. Túzetýler sondaı-aq memleket basshysynyń jaqyn týystarynyń memlekettik jáne kvazımemlekettik qurylymdarda basshy laýazymdarǵa ornalasýyna tyıym salýdy kózdeıdi.
Birqatar túzetý azamattardyń quqyǵy men bostandyǵyn saqtaýǵa, sonyń ishinde Konstıtýsıalyq sot qurýǵa, ombýdsmen mártebesin konstıtýsıalyq deńgeıde bekitýge jáne ólim jazasyna tolyqtaı tyıym salýǵa baǵyttalǵan.
Sondaı-aq, jańartylǵan Konstıtýsıada eldiń Tuńǵysh Prezıdentiniń mártebesi men ókilettigi týraly aıtylmaıdy.
Qazaqstan Konstıtýsıasyna ózgerister men tolyqtyrýlar qabyldaý máselesi boıynsha respýblıkalyq referendým 5 maýsymda ótedi.
Buǵan deıin Bas prokýratýra ókili referendýmǵa daıyndyq kezinde zańbuzýshylyq bolmaǵanyn habarlady.