Qaraqat Ábdennen memlekettik tilden emtıhan tapsyrdy
Búgin QR Ortalyq saılaý komısıasynda Qaraqat Ábden memlekettik tildi bilýi deńgeıi boıynsha emtıhan tapsyrdy, dep habarlaıdy Almaty-akshamy.kz QazAqparatqa silteme jasap.
«Ortalyq saılaý komısıasynda QR prezıdenttigine kandıdat Qaraqat Ábdennen memlekettik tilden emtıhan alý úderisi boldy. Emtıhan tapsyrý barysynda úmitker jazba tapsyrmasynda «Til - halyqty altyn besigi» taqyrybyn tańdady. Ekinshi aýyzsha oqý tapsyrmasynda İlıas Esenberlınniń «Kóshpendiler» romanynan úzindi oqydy», - dedi Lıngvısıkalyq komısıanyń múshesi Dıhan Qamzabekuly.
Sonymen qatar úmitker kópshilik aldynda sóıleý tapsyrmasynda «Azat eldiń eńsesi bıik» taqyrybyn tańdady.
«Komısıa músheleriniń ortaq qorytyndysyna toqtalsaq, Qaraqat Ábden memlekettik tildi jetik biledi jáne qoıylǵan suraqtardyń bárine óz deńgeıinde jaýap berdi», - dedi D.Qamzabekuly.
Budan buryn habarlanǵandaı, QR prezıdentin kezekten tys saılaýda úmitker Qaraqat Ábden Ortalyq saılaý komısıasynyń qaraýyna kandıdat retinde qujattaryn tapsyrǵan.