Altyjaqty formattaǵy yntymaqtastyqtyń keleshegi talqylanady.
14 qazan kúni elordada «Ortalyq Azıa-Reseı» samıti ótedi. Bul týraly QR Syrtqy ister mınıstrliginiń resmı ókili Aıbek Smadıarov aıtty, dep habarlaıdy Almaty-akshamy.kz QazAqparatqa silteme jasap.
«Joǵary deńgeıdegi kezdesý barysynda Qazaqstan, Qyrǵyzstan, Ózbekstan, Tájikstan, Túrikmenstan jáne Reseı prezıdentteri altyjaqty formattaǵy yntymaqtastyqtyń keleshegin talqylaıdy. Kezdesý qorytyndysy boıynsha memleket basshylarynyń Birlesken málimdemesin qabyldaý josparlanýda, onda Eýrazıalyq keńistiktegi óńirlik yntymaqtastyqtyń ózekti máseleleri kórsetiledi», - dedi Aıbek Smadıarov mınıstrlikte ótken brıfıńte.
Sondaı-aq qorytyndy qujatta saıasat pen qaýipsizdik, saýda-ekonomıkalyq jáne mádenı-gýmanıtarlyq yntymaqtastyq sıaqty salalardaǵy odan ári ózara is-qımyldyń perspektıvalary atap ótiledi.
Aıta keteıik, bul aptada elordada Azıadaǵy ózara is-qımyl jáne senim sharalary jónindegi keńestiń VI samıti ótedi, oǵan 11 memlekettiń basshylary qatysady.
Sonymen birge, 14 qazanda Astanada TMD memleketteriniń basshylary kezdesedi. Samıtte Qazaqstan 2023 jyly TMD-ǵa tóraǵalyq etýdi Qyrǵyz Respýblıkasyna tapsyrady.