«Aqjol» QDP 54 adamnan turatyn partıalyq tizim usyndy.
Ortalyq saılaý komısıasynyń otyrysynda QR Parlamenti Májilisi depýtattarynyń saılaýyna «Aqjol» demokratıalyq partıasynan kandıdattardyń partıalyq tizimin tirkeý týraly qaýly qabyldandy, dep habarlaıdy Almaty-akshamy.kz
Ortalyq saılaý komısıasynyń málimetinshe, 6 aqpanda "Qazaqstannyń "Aqjol" demokratıalyq partıasy" qoǵamdyq birlestigi partıalyq tizimdi usyný týraly qujattardy tapsyrdy. OSK "Aqjol" demokratıalyq partıasy usynǵan kandıdattardyń Konstıtýsıa men "Qazaqstan Respýblıkasyndaǵy saılaý týraly" konstıtýsıalyq zań talaptaryna sáıkestigin anyqtaý boıynsha qajet rásimderdi júrgizdi.
OSK múshesi Asylbek Smaǵulov tirkeýge bir saıası partıadan bir ǵana tizim ruqsat etilgenin atap ótti. Partıalyq tizimde úsh sanat ókilderdiń sany (áıelder, 29 jasqa tolmaǵandar jáne múgedektigi bar adamdar) 30 paıyzdan kem bolmaýǵa tıis.
"Aqjol" QDP 54 adamnan turatyn partıalyq tizim usyndy. Tizimge 18 áıel, jastar ókilderi jáne múgedektigi bar adamdar kirgen, bul tizimge engizilgen jalpy sannyń 33,3%-yna teń. OSK ýákiletti memlekettik organdarmen birlesip, Májilis depýtaty bolyp saılaý úshin tizimge engizilgen adamdardyń sáıkestigin tekserdi. Tizimge engen barlyq tulǵa Konstıtýsıanyń jáne Saılaý týraly konstıtýsıalyq zańnyń talaptaryna sáıkes keledi», - dedi Asylbek Smaǵulov.
OSK habarlaǵandaı, partıalyq tizim usynǵan saıası partıalar partıalyq tizimge engizilgen árbir adam úshin partıa qarajatynan OSK shotyna eń tómengi jalaqynyń 15 eselengen mólsherinde (1 050 000 teńge) saılaý jarnasyn engizýi kerek. Bul rette Parlament Májilisi depýtattarynyń burynǵy saılaýynda 5% jáne odan da kóp daýys alǵan partıalar saılaý jarnasyn tólemeıdi.
«2021 jylǵy qańtarda ótken Májilis depýtattaryn saılaýda "Aqjol" demokratıalyq partıasy 10,9% daýys jınady, osylaısha "Aqjol" partıasy saılaý jarnasyn tóleýden bosatyldy», - dedi OSK múshesi Asylbek Smaǵulov.