Partıalyq tizimge 90 adam engizilgen.
Ortalyq saılaý komısıasy Amanat partıasynyń aldaǵy Májilis saılaýyna partıalyq tizim boıynsha usynǵan kandıdattaryn tirkedi, dep habarlaıdy Almaty-akshamy.kz
Ortalyq saılaý komısıasynyń hatshysy Muhtar Ermannyń aıtýynsha, Amanat partıasynyń partıalyq tizimindegi 90 adamnyń 29-y – áıelder, qalǵany - jastar men múgedektigi bar adamdar. Bul tizimge engizilgen kandıdattardyń jalpy sanynyń 32,2%-in quraıdy.
"Ortalyq saılaý komısıasy ókiletti memlekettik organdarmen birlesip, májilis depýtaty bolyp saılaný úshin partıalyq tizimge engizilgen kandıdattardyń Konstıtýsıa men "Saılaý týraly" zańnyń talaptaryna sáıkestigine tekseris júrgizdi. Partıalyq tizimge engizilgen barlyq adam Konstıtýsıa jáne "Saılaý týraly" Konstıtýsıalyq zańnyń talaptaryna sáıkes keledi", - dedi Erman.
Zańnamaǵa sáıkes, saıası partıa partıalyq tizimge engizilgen árbir adam úshin saılaý jarnasyn tóleýi kerek. Ol eń tómengi jalaqynyń 15 eselengen mólsherine, ıaǵnı 1 050 000 teńgege teń.
Alaıda Parlament Májilisiniń aldyńǵy saılaýynda daýys berýge qatysqan saılaýshylardyń 5 jáne odan kóp daýsyn alǵan saıası partıalar saılaý jarnasyn tólemeıdi.
"2021 jylǵy 10 qańtarda ótken Májilis saılaýynda Amanat (burynǵy "Nur Otan") partıasy saılaýshylardyń 71,9 paıyz daýsyn jınady. Osyǵan baılanysty Amanat partıasy saılaý jarnasyn tóleýden bosatylady", - dedi OSK hatshysy.