Tozyp, anyq kórinbeıtin jol belgisin basyp ótip ketken júrgizýshi aıyppul tólemese bola ma? Tolyǵyraq Tengri Auto materıalynda, - dep habarlaıdy aqshamnews.kz tilshisi.
Tutas jol syzyǵyn kesip ótý
Almaty qalasy Polısıa departamentiniń málimetinshe, Ákimshilik quqyqbuzýshylyq týraly kodekstiń 596-baby 3-bólimine sáıkes, eger júrgizýshi qos nemese jalǵyz tutas syzyqtan burylyp, qarsy baǵyttaǵy jolaqqa shyqsa, alty aı merzimge júrgizýshi kýáliginen aıyrylady.
Eger joldaǵy syzyq óship qalǵan bolsa, jazadan qutylýǵa bola ma?
Iá, bolady. Ákimshilik quqyqbuzýshylyq týraly kodekstiń 741-baby 2-bólimine sáıkes, eger jol belgileri:
-
óship qalsa;
-
durys kórinbese;
-
nemese MemST talaptaryna saı kelmese,
onda ákimshilik is toqtatylýǵa tıis, óıtkeni quqyqbuzýshylyq quramy anyqtalmaıdy.
Syzyqtyń anyq bolmaǵanyn qalaı dáleldeýge bolady?
-
Foto jáne vıdeo túsirińiz.
-
Ýaqyty men orny kórinetin qosymshalar arqyly dálelder jınańyz.
-
e-Otinish portaly arqyly shaǵym túsirińiz – dálelderdi tirkep, ákimshilik isti toqtatýdy talap etińiz.
Aıyppul salynsa, ne isteý kerek?
Sizge óship qalǵan jol syzyǵyn kesip ótkeni úshin aıyppul salynsa nemese júrgizýshi kýáligińizden aıyrsa, bul sheshimdi 10 kún ishinde sotqa nemese ýákiletti organǵa shaǵymdaný arqyly qaıta qaraýǵa bolady.