2022 jylǵy 1 maýsymda Ortalyq referendým komısıasynyń Tóraǵasy Nurlan Ábdirovtiń TMD baıqaýshylar Mısıasynyń basshysy Leonıd Anfımovpen kezdesýi boldy, dep habarlaıdy Almaty-akshamy.kz Baq.kz-ke silteme jasap.
Kezdesýge ORK hatshysy Muhtar Erman, sondaı-aq TMD-dan baıqaýshylar Mısıasy shtabynyń jetekshisi Oleg Kýleba qatysty.
Nurlan Ábdirov jaqynda Nur-Sultan qalasyna kelgen TMD baıqaýshylary mısıasynyń basshysyna iltıpat bildirip, referendýmǵa daıyndyq pen ony ótkizýdiń negizgi kezeńderimen qysqasha tanystyrdy.
Leonıd Anfımov Mısıa 2022 jylǵy 21 mamyrda jumysqa kiriskenin jáne óz qyzmetin Qazaqstan Respýblıkasynyń zańnamasyna sáıkes qatań túrde saıası beıtaraptyq, referendým barysyna jáne memlekettiń ishki isterine aralaspaý qaǵıdattaryna negizdeıtinin atap ótti.
TMD-dan baıqaýshylar Mısıasynyń quramyna TMD–ǵa qatysýshy memleketterdiń, Dostastyqtyń Parlamentaralyq Assambleıasynyń, Belarýs jáne Reseı Odaǵynyń Parlamenttik Jınalysynyń, UQSHU Parlamenttik Assambleıasynyń jáne TMD Atqarý komıtetiniń ókilderi bolyp tabylatyn 144 baıqaýshy kirdi.
Ortalyq referendým komısıasynyń tóraǵasy TMD baıqaýshylar Mısıasynyń basshysymen kezdesti
- Avtor Almaty-akshamy
- 14:45, 01 maýsym 2022
Cýret: Ashyq derekkóz