Búletender 28 mamyrǵa deıin daıyndalýy tıis
Oblystardyń, Nur-Sultan, Almaty, Shymkent qalalary ákimdikteriniń, respýblıka boıynsha jergilikti atqarýshy organdardyń ókilderi usynǵan málimetter men esepterge sáıkes, tizimderge 11 722 536 adam engizildi, dep habarlaıdy Almaty-akshamy.kz Referendum2022_kz-ke silteme jasap.
2022 jylǵy 5 maýsymǵa taǵaıyndalǵan respýblıkalyq referendým ótkizý kezinde daýys berýge arnalǵan búletenderdi daıyndaýdyń keıbir máseleleri týraly» Ortalyq referendým komısıasynyń qaýlysymen daýys berýge arnalǵan búletender bir paıyz rezervpen referendýmǵa qatysýǵa quqyǵy bar azamattardyń tizimine engizilgen sanǵa teń mólsherde daıyndalady dep belgilengen.
11 839 761 kóleminde daýys berýge arnalǵan búleten shyǵarylýy tıis. Belgilengen mólsherde daýys berýge arnalǵan búletenderdi daıyndaý jáne referendým ýchaskelerine zańnamada kózdelgen merzimde jetkizý oblystyq, respýblıkalyq mańyzy bar qalalar men elordanyń referendým komısıalaryna tapsyrylady.
Aýmaqtyq referendým komısıalary búletenderdi referendým ýchaskelerine jetkizý úshin belgilengen mólsherde daýys berýge arnalǵan búletenderdi daıyndaýdy 2022 jylǵy 28 mamyrǵa deıin qamtamasyz etýge tıis.