Sıfrlyq qujattardyń qatary negizgi orta jáne jalpy orta bilim týraly atestatpen tolyqty.
Ol endi eGovMobile mobıldi qosymshasyndaǵy «Bilim» jańa qyzmet kórsetý servısinde qoljetimdi, dep habarlaıdy Almaty-akshamy.kz Qazaqstan Respýblıkasy Oqý-aǵartý mınıstrliginiń baspasóz qyzmeti.
«Osy jyldan bastap mektep túlekteri atestattaryn sıfrlyq nusqada ala bastaıdy. Ol úshin eGovMobile mobıldi qosymshasyndaǵy «Bilim» servısine ótý kerek, munda «Meniń balalarym» bóliminde ata-analar men zańdy ókilderi úshin kámeletke tolmaǵan balalardyń qujattary qoljetimdi bolady», - deıdi sıfrlandyrý departamenti dırektorynyń mindetin atqarýshy Maıra Maralbaeva.
Esterińizge sala keteıik, osydan bir aı buryn QR Oqý-aǵartý mınıstrligi eGovMobile mobıldi qosymshasynda «Bilim» jańa servısin iske qosqan bolatyn. Munda bilim týraly málimetter, sıfrlyq qujattar berilgen birneshe bólim bar. Al bir jyl buryn qosymshada kolej dıplomdary QR-kodpen berile bastady.