Kómektiń somasy – 14,3 mln dollar.
AQSH-tyń halyqaralyq damý agenttiginiń (USAID) ákimshisi Samanta Paýer Ortalyq Azıaǵa qosymsha ınvestısıa bólinetinin aıtty, dep habarlaıdy Almaty-akshamy.kz
Samarqandta Qazaqstan, Qyrǵyzstan, Tájikstan, Túrkimenstan jáne Ózbekstan úkimetteriniń qatysýymen aımaqtyq yntymaqtastyq boıynsha S5+1 formýlasy boıynsha kezdesý ótti.
"Mınıstrler kezdesýi barysynda Paýer AQSH pen Ortalyq Azıa elderi arasyndaǵy seriktestikti tereńdetý aıasynda aımaqqa qosymsha 14,3 mln dollar kóleminde kómek kórsetetinin málimdedi", – dep jazylǵan habarlamada.
USAID 100 mıkro, shaǵyn jáne orta bıznesti (SHOB) qoldaý úshin 10,8 mln dollar bóledi. Joba áıelderdi, jastardy jáne halyqtyń osal toptaryna qajetti daǵdylarǵa úıretý arqyly Ortalyq Azıada 8000 jumys orynyn qurýǵa kómektesedi dep kútilýde.
Buǵan qosa, 1,5 mln dollar jelidegi jáne BAQ-taǵy aqparattyń sapasyn jaqsartatyn jáne azamattardy jalǵan aqparatty anyqtaý jáne onymen kúresý daǵdylarymen qamtamasyz etetin bastamalarǵa jumsalady.
Taǵy 2 mln dollar qosymsha qarajat jeke sektordyń ınvestısıasyn arttyrýǵa jáne jańartylatyn energıa kózderin damytýǵa baǵyttalady.