Almatyda sý qubyry jelilerin salýdy aıaqtaý úshin 28 qazannan 30 qazanǵa deıin Boraldaı tas jolynda qozǵalys shekteledi
Alataý aýdanynda Barys kóshesinen Jaýjúrek kóshesine deıin eki jaqqa da kólik qozǵalysy shekteledi, dep habarlaıdy almaty-akshamy.kz https://t.me/AlmatyJoly/325 silteme jasap.
Asfáltbeton jabynyn qalpyna keltirý kezinde qaýipsizdikti qamtamasyz etý úshin ýaqytsha shekteý engiziledi. Osylaısha, 3,8 km sý qubyry jelilerin jáne 4,6 km káriz jelilerin salý aıaqtalady. Bul Alataý aýdanynyń 2,5 myń turǵynyn qamtıdy, olar úzdiksiz ortalyq sýmen jabdyqtaýǵa qosylady. Al buryn olar jeke kompanıanyń qyzmetin paıdalanǵan.
Ýaqytsha qolaısyzdyqqa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz. (Avtobýs marshrýttary №10, №124, №81).
Almaty qalasy Energetıka jáne sýmen jabdyqtaý basqarmasynyń málimetinshe, bıyl 20 nysan boıynsha 108,4 km sý qubyry jáne káriz jelilerin (81,1 km sý qubyry jáne 27,3 km káriz) salý josparlanǵan, bul halyqtyń ortalyqtandyrylǵan sýmen jabdyqtaýǵa qoljetimdiligin 99,2%-ǵa deıin arttyrýǵa múmkindik beredi.
Esterińizge sala keteıik, jelilerdi salý jáne jańǵyrtý jumystary turaqty negizde júrgizilýde, sebebi bul qala turǵyndarynyń ómir súrý sapasyna tikeleı áser etedi. Máselen, byltyr Naýryzbaı, Alataý jáne Túrksib aýdandarynyń 18 shaǵyn aýdany boıynsha 153,9 km sýmen jabdyqtaý jáne 118,3 km sý burý jelileri salyndy (60 myńǵa jýyq adam qamtyldy). Júrgizilip jatqan jumystyń arqasynda sýmen qamtý jelileriniń tozýy 56,2%-dan 55,8%-ǵa jáne káriz jelisiniń tozýy 58%-dan 57,5%-ǵa deıin tómendedi.