Almaty oblysy TJD kezekshi bólimine Qonaev qalasynyń 2 yqsham aýdanynda kóppáterli tórtqabatty alty kireberisti turǵyn úıde páterde órt shyǵyp, keıin ot shatyrǵa aýysqany týraly habarlama kelip tústi, dep habarlaıdy Almaty-akshamy.kz Azattyq Ruhy-na silteme jasap.
Qabyrǵalary paneldi (beton), tóbesi jumsaq, ústine aǵash kesilgen metal beıini ornatylǵan, jylytý ortalyqtandyrylǵan, ortalyqtandyrylǵan gazben jabdyqtalmaǵan.Órt ornyna dereý Almaty oblysy TJD kúshteri men quraldary jiberildi.
Qonaev qalasyndaǵy eń jaqyn órt sóndirý bóliminen qashyqtyq 2.5 kılometrdi quraıdy. Eń jaqyn órt sóndirý gıdranty Almaty jáne Qoıshymanov kósheleriniń qıylysynda 300 metr qashyqtyqta ornalasqan.
Birinshi bólim kelgen kezde kóppáterli turǵyn úıdiń shatyry tolyǵymen otqa orandy.
Shatyrdyń lúkteri jabyq bolýy órtti sóndirge kedergi keltirgendikten, ony buzýǵa týra keldi (qulyptarmen qulyptaǵan) sondaı-aq aǵash taqtaıshanyń ústindegi metal shatyry qıyndatty.
«Órt shyqqan páterden gaz balondar kóshege shyǵarylyp, olardyń jarylýyna jol berilmedi. Jeke quramnyń kúshimen páterlerden kóshege 20 gaz balon shyǵaryldy. Evakýasıalanǵan turǵyndardyń jalpy sany 210 adam, onyń ishinde 160 adam ózdiginen evakýasıalandy, órtke qarsy qyzmet qyzmetkerleri 50 adamdy, onyń ishinde 10 bala evakýasıalady. Medısınalyq kómekke muqtaj emes.Órt saǵat 04:47-de oqshaýlanyp, saǵat 06:00-de sóndirildi. Qaıtys bolǵandar men zardap shekkender joq.Órttiń shyqqany keshiktirilip habarlanýy órttiń taralýyna sebep boldy. Órttiń sebebin anyqtaý úshin Almaty oblysy TJD anyqtaý bóliminiń jáne zertteý synaq órt zerthanasynyń qyzmetkerleri oqıǵa ornynda jumys júrgizýde», - dep habarlady TJD departamentiniń baspasóz qyzmeti.
Órt sóndirýge Almaty oblysy TJD 50 qyzmetker men 12 birlik tehnıka, jergilikti atqarýshy organdardan 8 adam jáne 4 birlik tehnıka, № 65476 JB 4 qyzmetker jáne 2 birlik tehnıka, jergilikti polısıa qyzmetinen 30 qyzmetker jáne 8 birlik tehnıka, eki brıgada jáne 4 qyzmetkerden quralǵan jedel medısınalyq járdem brıgadasy jumyldyryldy.
Almaty oblysy TJD qaýipsizdik erejeleri boıynsha, gaz jáne gazben jabdyqtaý týraly zańǵa sáıkes eki qabattan joǵary ǵımarattarda gaz balondaryn paıdalanýǵa jol berilmeıtinin eske saldy. Eger úıdiń úsh jáne odan da kóp qabaty bolsa, onda gaz balondaryn paıdalanýǵa tyıym salynǵan.