Anglıada parajúzýden álem chempıonaty ótip jatyr. Qazaqstan namysyn qorǵaýǵa attanǵan Nurdáýlet Jumaǵalı kúmis júldege ıe bolyp, jeńis tuǵyrynan kórindi, dep habarlaıdy Almaty-akshamy.kz.
Qazaqstandyq parasportshy chempıonattyń fınalynda bras ádisimen júzýden 100 m qashyqtyqty 1:05.16 ýaqytta baǵyndyrdy. Belgilengen mejeni birinshi bolyp nemis sportshysy Engel Talıso 1:03.26 ýaqytymen baǵyndyrsa, úshinshi bolyp AQSH sportshysy Davıd Abrahams 1:05.55 ýaqytymen aıaqtady.
31 shildede bastalǵan parajúzýden álem chempıonaty 6 tamyzǵa deıin Anglıanyń Manchester qalasynda ótedi.
Jarysqa 67 memleketten 600-den astam sportshy qatysyp jatyr. Qazaqstan sapynan Nurdáýlet Jumaǵalı, Sıazbek Dalıev, Andreı Afanasev, Natalá Zvágınseva jáne Roman Potapov baqtaryn synaýǵa attandy.