Qaraǵandy jáne Pavlodar oblystarynyń shekara aýmaǵyndaǵy tabıǵı órtti sóndirý jumystary jalǵasýda. Qatty ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qıyndatýda, – dep habarlaıdy aqshamnews.kz TJM baspasóz qyzmetine silteme jasap.
Qazirgi ýaqytta Qaraǵandy jáne Pavlodar oblystary, Astana qalasy TJD men jergilikti atqarýshy organdarynan, TJM 52859 áskerı bóliminen, «Baıanaýyl» MUTP 609 adam jáne 110 birlik tehnıka, «Qazavıaqutqarý» AQ men QR Qorǵanys mınıstrliginen 4 áýekemesi órtti joıý jumystaryna jumyldyryldy.
– Qaraǵandy oblysynyń Terekti aýylynda jáne Pavlodar oblysynyń Jeltaý qystaǵynda órt orny dalalyq órt sóndirý shtabtary ornalastyryldy. Órtti sóndirý jumystary jerústi jáne áýekóligimen júrgizilýde.Jalpy, 12 jaýyngerlik ýchaske anyqtaldy. Oblystyq TJD jáne TJM komandalyq ortalyǵynda jedel shtabtar jumys isteýde.
Áýekemeleri órt oshaqtaryna 15 ret jalpy kólemi 22 tonna sý tókti, – delingen habarlamada.
Aqparattyq psıhologıalyq qoldaý kórsetý úshin Qaraǵandy oblysynyń TJD 8 721 2 51 72 23, Pavlodar oblysynyń TJD 8 718 2 20 11 12 jedel jeli telefondary jumys isteıdi.
Esterińizge sala keteıik, buǵan deıin elimizdiń eki aımaǵynda órt bolǵany týraly jazǵan bolatynbyz.