Qazaqstan Respýblıkasynyń Ulttyq kitaphanasynda kórnekti memleket jáne qoǵam qaıratkeri, QR Ulttyq kitaphanasynyń tuńǵysh dırektory Jandosov Oraz Qıqymulynyń 125 jyldyǵyna arnalǵan «Oraz Jandosovtyń tarıhı tulǵasy jáne qoǵamdyq-saıası qyzmeti» atty halyqaralyq ǵylymı konferensıa ótti.
İs-sharanyń maqsaty – Qazaqstannyń qalyptasýyna baǵa jetpes úles qosqan qazaq halqynyń birtýar uly Oraz Jandosovtyń eńbek joly men taǵylymy mol tulǵasyn nasıhattaý jáne dáripteý, dep habarlaıdy aqshamnews.kz Mádenıet jáne aqparat mınıstrligine silteme jasap.
İs-sharaǵa memleket jáne qoǵam qaıratkerleri, Qazaqstan, Ózbekstan jáne Reseıdiń tarıhshy ǵalymdary men zertteýshileri, Almaty qalasynyń arhıv jáne mýzeı qyzmetkerleri, Oraz Jandosovtyń týystary men urpaqtary qatysty.
Konferensıa aıasynda «Qaıratker Oraz Jandos: ómiri jáne qoǵamdyq saıası qyzmeti» atty kitap pen «Oraz Jandosov. 1899-1938» bıblıografıalyq eńbektiń tusaýkeser rásimi ótti.
Sonymen qatar QR Ulttyq kitaphanasy, QR Prezıdenti Arhıvi jáne QR Ortalyq Memlekettik mýzeı qorynan «Ultym dep ótken qaıratker» atty kitap jáne mýzeı qujattarynyń kórmesi ashyldy.