Qoǵamdaǵy daýly máselege qatysty búgin memleket basshysy da pikir bildirdi.
Prezıdent balalar eseıip, dúnıetanymy tolyq qalyptasqan soń óz tańdaýyn jasaǵany durys dep sanaıdy, dep habarlaıdy Almaty-akshamy.kz
"Men qoǵamda jıi talqylanatyn taǵy bir máselege toqtalǵym keledi. Qazaqstan – Konstıtýsıa boıynsha zaıyrly memleket. Bul qaǵıda barlyq jerde, sonyń ishinde bilim berý mekemelerinde qatań saqtalýǵa tıis", - dedi pedagogter sezinde Toqaev.
Ol mektep eń aldymen, bilim ordasy ekenin, balalar mektepke bilim alý úshin baratynyn atap ótti.
"Al dinı ustanym – ár azamattyń jeke máselesi, óz tańdaýy. Elimizde din bostandyǵyna zańmen kepildik berilgen. Balalarymyz eseıip, dúnıetanymy tolyq qalyptasqan soń óz tańdaýyn jasaǵany durys dep sanaımyn. Eń bastysy, kózqarasy aıqyn, sanasy sergek ári dástúrge berik urpaq tárbıeleý kerek", - dedi Qasym-Jomart Toqaev.
Onyń aıtýynsha, jalpy, zaıyrly degen sózdiń mazmuny tereń, óte aýqymdy.
"Halqymyzǵa qatysty aıtatyn bolsaq, bul – salaýatty ómir saltyn ustaný, pragmatıkalyq kózqarasta bolý jáne dástúrli dinimizge, ulttyq sanany arqaý etken saltymyzǵa shynaıy qurmet degen sóz", - dep túıindedi prezıdent.