Polısıa qyzmetkerleri olardyń birin Almatynyń Túrksib aýdanyndaǵy Seıfýllın dańǵyly boıynda ustady, dep habarlaıdy Almaty-akshamy.kz Polisia.kz-ke silteme jasap.
«26 jastaǵy H. esimdi Ázirbaıjan azamatynyń jolaýshylar tasymalymen zańsyz aınalysqany belgili boldy. Al Jetisý aýdanynyń tártip saqshylary ınternet qosymshasy arqyly jeke taksı júrgizýshisi bolyp jumys istep júrgen Ózbekstannyń 45 jastaǵy azamatyn anyqtady. Eki sheteldiktiń de áreketinen QR ÁQBtK-niń 517-baby 5-bóligimen jáne QR ÁQBtK-niń 519-baby 1-bóligimen kózdelgen quqyq buzýshylyq belgileri anyqtaldy. İs-materıaldary sheshim qabyldaý úshin Almaty qalasy boıynsha mamandandyrylǵan aýdanaralyq ákimshilik sotyna joldandy», – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Polısıa, 2-8 qazan aralyǵynda qalada “Zańsyz kelýshi” respýblıkalyq jedel aldyn alý is-sharasy ótip jatqanyn eske saldy. Maqsat – zańsyz júrgen sheteldikterdi anyqtaý, sondaı-aq zańsyz kóshi-qon arnalarynyń jolyn kesý.