QR İshki ister mınıstrligi Qyzylordada 16 jasar oqýshyny jezókshelikke májbúrleý týraly qylmystyq isti tergeý barysyn túsindirdi
QR İshki ister mınıstrligi Qyzylorda oblysy polısıa departamentiniń tergeý basqarmasy 16 jasar kámeletke tolmaǵandy jezókshelikpen aınalysýǵa májbúrleý faktisi boıynsha Qylmystyq kodekstiń 134-babynyń 3-bóligi boıynsha tergeý júrgizip jatqanyn habarlady.
Sonymen qatar, osy qylmystyq is sheńberinde birneshe bap boıynsha tergeý júrgizilýde, onyń ishinde:
- Jezókshelikpen aınalysýǵa arnalǵan prıton uıymdastyrý jáne jeńgetaılyq (309-baby 2-bóligi);
- Bopsalaý (194-baby 2-bóligi);
- Esirtki quraldaryn, psıhotroptyq zattardy, olardyń analogtaryn qoldanýǵa kóndirý (299-baby 3-bóligi);
- Azaptaý (110-baby 1-bóligi);
- Kámeletke tolmaǵan balany tárbıeleý jónindegi mindetterdi oryndamaý (140-baby 1-bóligi).
Osy faktiler boıynsha segiz kúdiktige qatysty sot «qamaýda ustaý» túrindegi bultartpaý sharasyn tańdady, al bir kúdikti úıqamaqqa alyndy.
Budan basqa, osy oqıǵaǵa baılanysty júrgizilgen qyzmettik tergeý nátıjesinde Qyzylorda oblysy PD-nyń birqatar qyzmetkerleri qatań tártiptik jaýapkershilikke tartyldy.