Almatyda Abaı dańǵylynda 1991 jyldan beri paıdalanylyp kele jatqan qubyr aýystyryldy, dep habarlaıdy aqshamnews.kz
2024 jyly tamyzdyń basynda Almatynyń Áýezov aýdanynda Abaı dańǵylymen Saın kóshesinen batys baǵytta 1991 jyldan beri paıdalanylyp kele jatqan qubyr aýystyryldy. Jańarǵan aýmaqtyń uzyndyǵy 1838 metr.
Bul qubyr 406 kóppáterli turǵyn úıdi, 105 jeke turǵyn úıdi, 4 balabaqshany, 1 densaýlyq saqtaý nysanyn jáne 6 ózge de nysandy jylýmen jáne ystyq sýmen qamtamasyz etedi. Rekonstrýksıa kezinde kórsetilgen aýmaqtaǵy tutynýshylarǵa ystyq sý berý toqtatylǵan joq.
Barlyq jumys merziminde aıaqtaldy, atalǵan ýchaskedegi avtokólik qozǵalysy qalpyna keltirildi.
Jalpy, qalada bıyl 20 km jylý jelilerin qaıta jańartý josparlanyp otyr. Almatynyń 6 aýdanynda jylýaralyq kezeńge josparlanǵan qaıta jańartý bekitilgen kestege sáıkes júrgiziledi. Onyń negizgi bóligi aıaqtalyp keledi.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.