Jas dombyrashylar aty ańyzǵa aınalǵan kúılerdi oryndady
QR Tuńǵysh Prezıdenti kúnine oraı Pavlodar qalasyndaǵy hımıa-bıologıa baǵytyndaǵy Nazarbaev zıatkerlik mektebinde jas dombyrashylardyń oryndaýynda aty ańyzǵa aınalǵan kúıler tartyldy, dep habarlaıdy Almaty-akshamy.kz Egemen.kz-ke silteme jasap.
Qurmanǵazynyń kúıi «Balbyraýyn», N.Tilendıevtiń «Álqıssa» kúıi, halyq áni «Elim-aı» jáne qyrǵyzdyń kúıi «Mash botoı» shyǵarmasyn Pavlodardaǵy Nazarbaev zıatkerlik mektebiniń 65 oqýshysy oryndady.
«Uly dala muragerleri» atty dástúrli dombyrashylar fleshmobynda dombyramen qatar qazaqtyń shańqobyzy, daýylpaz, dabyl, qobyz sıaqty ulttyq aspaptary qoldanyldy.
Aýqymdy sharanyń maqsaty - Ult Kóshbasshysy N.Á.Nazarbaevtyń júrgizip otyrǵan saıasatyna qoldaý bildirý. Ulttyq aspap dombyra men ónerimizdi kúı arqyly nasıhattaý. Patrıottyq shara zıatkerlerdiń boıyna otansúıgishtik qasıetti sińirýge maqsattalǵan.
Sharanyń ereksheligi - bir sátte alpystan asa pavlodarlyq zıatker qazaqtyń 4 kúıin oryndady. Aıta keterligi, «Uly dala muragerleri» atty dombyrashylar patrıottyq aksıasy dástúrge aınalǵan. Jyl saıyn QR Tuńǵysh Prezıdenti kúni qarsańynda Nazarbaev zıatkerlik mektepteriniń barlyq fılıaldarynda biz mezgilde ótkiziledi. Bıylǵy jyly dástúrli aksıaǵa Qazaqstan boıynsha 1000-ǵa jýyq zıatkerlik mektep oqýshylary qatysty.