Bangkok qalasynda jasóspirimder arasyndaǵy 20-shy halyqaralyq jaratylystaný-ǵylymı olımpıadasy (IJSO-2023) óz máresine jetti. Qazaqstan qurama komandasynyń barlyq alty múshesi qola medal jeńip aldy, dep habarlaıdy almaty-akshamy.kz
Olımpıadaǵa álemniń 54 elinen 311 oqýshy qatysty.
Olımpıada úsh týrdan turdy: testileý, teorıalyq jáne eksperımenttik. Ár týrda fızıka, hımıa jáne bıologıa pánderi boıynsha tapsyrmalar usynyldy.
20-shy jasóspirimder arasyndaǵy halyqaralyq jaratylystaný-ǵylymı olımpıadasynyń qola medal ıegerleri:
Batyr Erjanuly, Óskemen qalasy hımıa-bıologıa baǵytyndaǵy Nazarbaev Zıatkerlik mektebiniń 9 synyp oqýshysy;
Áltaır Akanov, Astana qalasyndaǵy «Respýblıkalyq fızıka matematıkalyq mektebi» komersıalyq emes aksıonerlik koǵamy fılıalynyń 9 synyp oqýshysy;
Darıa Bektursyn, Pavlodar qalasynyń Daryndy balalarǵa arnalǵan №8 lıseı-mektebiniń 8 synyp oqýshysy;
Danıar Bazarbaı, Daryndy jasóspirimderge arnalǵan Aqtóbe oblystyq mamandandyrylǵan «Bilim-ınnovasıa» lıseı-ınternatynyń 9 synyp oqýshysy;
Ilıas Qazymbek, Astana qalasyndaǵy «Respýblıkalyq fızıka matematıkalyq mektebi» komersıalyq emes aksıonerlik koǵamy fılıalynyń 8 synyp oqýshysy;
Ivan Rýdık, Pavlodar qalasyndaǵy Daryndy balalarǵa arnalǵan №8 lıseı-mektebiniń 8 synyp oqýshysy.
Qurama komandanyń jetekshileri:
Samat Maksýtov - PhD doktor, SDU University dosenti;
Askar Majıkenov - Nazarbaev Ýnıversıtet magıstranty.