XI respýblıkalyq «Aqberen» óner dodasy 8-11(12) synyp oqýshylary arasynda ótti, dep habarlaıdy aqshamnews.kz.
«Daryn» Respýblıkalyq ǵylymı-praktıkalyq ortalyǵynyń baspasóz qyzmetiniń habarlaýynsha, oqýshylar halyq aspaptaryn meńgerý sheberligi, sheshendik óner, bilim saıysy, esse jazý, aıtysker aqyndar saıysy, sondaı-aq poezıa baıqaýynda baq synasty.
«Aqberen» – jyl saıyn elimizdiń eń shyǵarmashyl jáne daryndy oqýshylarynyń basyn qosady. Bul tek óner jarysy ǵana emes, sondaı-aq ulttyq qundylyqtardy dáripteýdiń, óskeleń urpaqtyń shyǵarmashylyq áleýetin arttyrýǵa múmkindik berýdiń jarqyn úlgisi», - dep atap ótti «Daryn» RǴPO dırektory Gajdembek Tursynov.
Barlyq kezeńniń qorytyndysy boıynsha 66 qatysýshy jeńiske jetti jáne olar QR Oqý-aǵartý mınıstrliginiń dıplomdarymen marapattaldy. Sonymen qatar «Eń úzdik komanda» nomınasıasynda İ dárejeli dıplomǵa Batys Qazaqstan jáne Mańǵystaý oblystary, Abaı atyndaǵy mektep-ınternaty ıe boldy. Sondaı-aq Pavlodar oblysy men Astana qalasy İİ oryndy, al Abaı, Almaty jáne Jambyl oblystary İİİ oryndy ıelendi.
Atap ótý kerek, búgingi kúni elimizde daryndy balalardyń áleýetin ashýǵa jáne qoldaýǵa belsendi túrde jaǵdaı jasalyp keledi. Máselen, zıatkerlik olımpıada jeńimpazdaryna bilim granttary beriledi, túrli olımpıadalar men baıqaýlar ótkizilip, daryndy balalarǵa arnalǵan mamandandyrylǵan mektepterge qabyldaýǵa kvota bólinedi, sondaı-aq halyqaralyq ıntellektýaldyq olımpıadalardyń jeńimpazdaryna birjolǵy aqshalaı syıaqy qarastyrylǵan.