Densaýlyq mınıstrligi jyl saıynǵy medısınalyq tekserýdiń qorytyndysy osyndaı deıdi.
Aıta ketý kerek, mektep jasyndaǵy balalar mınıstrliktiń 2020 jylǵy buıryǵyna sáıkes profılaktıkalyq medısınalyq qarap-tekserýlerden ótedi. Máselen, Salıdat Qaıyrbekova atyndaǵy densaýlyq saqtaýdy damytýdyń ulttyq ǵylymı ortalyǵynyń jedel aqparatyna sáıkes, byltyr profılaktıkalyq medısınalyq qarap-tekserýlerden 5 jarym mıllıonna astam bala ótti. Bul jyldyq jospardyń 92,1% eken.
Nátıjesinde, eń kóp kezdeskeni – as qorytý júıesindegi aýrýlar, odan keıingi orynda qan aýrýlary bolsa, úshinshi orynda tynys alý júıesindegi aýrýlar tur. Al, osy jyldyń birinshi jarty jyldyǵynyń qorytyndysy boıynsha jyldyq jospardaǵy balalardyń 52 paıyzy tekserildi.