Atyraýdaǵy N.Tilendıev atyndaǵy Kishi óner akademıasynyń 11 synyp oqýshysy Aslan Tilesov IT-tehnologıaǵa bet burǵan.
Jaqynda №1 órt sóndirý bólimshesinde ózi oılap tapqan «QazHydrant» dep atalatyn jańa mobıldik qosymshany tanystyrdy, dep habarlaıdy Almaty-akshamy.kz QazAqparatqa silteme jasaı otyryp.
Órt sóndirýshiler mobıldik qosymshaǵa qyzyǵýshylyq tanytyp otyr.
«Men IT-tehnologıanyń erekshelikterin 8 synyptan beri zerttep kelemin. Bul jobany órt sóndirý qyzmetin ońtaılandyrý úshin daıyndadym. Atalǵan qosymshany daıyndaýǵa «Bilim-ınnovasıa» lıseıindegi zamandastarym Ábdikerim Nodárov pen Ádiljan Salpekov kómek berdi. Qosymshany daıyndaýdaǵy maqsatym – órt sóndirýshilerdiń qyzmetin jedeldetýge qol ushyn sozý. Óıtkeni, órt sóndirý kezinde tótenshelikter gıdranttardy taba almaı, ábigerge túsedi. Ásirese, túngi mezgilde tabý qıyn», - deıdi jańa qosymshanyń avtory Aslan Tilesov.
Onyń aıtýynsha, Google kartasynan Atyraý qalasyndaǵy barlyq gıdranttyń qaı jerde ornalasqanyn navıgasıalyq júıemen anyqtaýǵa múmkindik bar.
«Qosymshanyń áli de jetildiretin tusy bar. Degenmen jaqynda jobany tolyqtyryp, iske qosý joldary qarastyrylady. Buǵan qosa, AstanaHub uıymdastyrǵan Smart City Accelerator (aqyldy qala) baıqaýyna qatysyp, İ kezeńiniń irikteýinen óttim», - deıdi oqýshy.